獎門人曾志偉與古Sir古巨基雙龍出海，靠爛gag《獎門通勝》及IQ題《IQ王》殺入書展，不過兩書IQ題部份熟口熟面，更出現「雙生」情況，例如「公雞同母雞一齊考試，點解考官一眼就分到邊份係母雞？」（答案：雞乸咁大隻字）、「乜嘢文具最有正義感？」（筆，因為見死筆救），而基仔親自監製的《IQ王》也不乏爛gag題目，如「80歲先鍾意玩唐老鴨玩具，猜一歌名。」答案不問而知肯定係基仔飲歌《愛得（Duck）太遲》。
《獎門通勝》內容模擬《通勝》，有教英文環節及大時大節宜忌，又增設打小人口訣及獎門拖，還有插畫教人打功夫。不過「獎門爛gag」一環實在太爛，號稱每日一條問題，但同類問題卻不斷重複，如「以下邊個香港地方真正存在？」足足有數10次。
撰文：林妃