長實（001）以散貨姿態平賣將軍澳領都山景戶，加上大部份地產代理都棄守二手市場，全力谷一手，立時打殘將軍澳二手樓市，成交勁跌一半，昨日全區成交少於5宗。
業主軟化 放盤到價即賣
世紀21物業（將軍澳）董事鄺志輝表示，領都首批山景戶，平過將軍澳部份二手樓，吸去大量購買力，加上大部份經紀都主力做一手，「谷晒」所有買家去買新樓，二手市場近乎停頓；昨日全區成交少於5宗。
不過，鄺志輝表示，由於近期市旺，股市越升越有，業主對後市信心相當強，所以未肯減價，但態度稍為回軟，之前反價的業主，現時到價已肯賣。如將軍澳中心7座中層E室，527方呎，業主見有客出價247萬元，達其最低要求，未敢反價，即時沽出，呎價4687元。
香港置業高級營業經理黃一堂亦指出，由於不少買家都覺得領都賣完後，將軍澳樓價會跌，所以觀望後市，令成交量急速萎縮。區內主要大型屋苑新都城，本月至今僅14宗買賣，較上月同期下跌50%，平均呎價則企穩4100元。