【本報訊】陳振聰92年與龔如心按摩按出愛火，極速戀上，晚晚夜訪龔如心香閨，冷落嬌妻。陳振聰坦言，妻子譚妙清曾提出離婚一次，但譚自覺無謀生技能惟有啞忍。他又透露，曾與龔如心談論婚嫁，但命運作弄，無疾而終。
三不態度 「養家就得」
陳振聰說，妻子譚妙清為人耿直，「當年佢問我，你同Nina有冇關係？我話有，佢話唔使講嘢。」不過，譚自言欠一技之長，無謀生能力，又要照顧小孩，雖曾一度提出離婚，但仍無奈地接受丈夫有外遇，結果採「三不」態度，「佢唔理我，唔稀罕，唔參與，佢話『總之你養家就得喇』。」至於龔如心的態度，陳振聰說，「有時頂嘴，佢問我會唔會離婚。我話你係咪真係嫁畀我先？我哋條路係咪咁行到先？之後佢話等一陣，到真係要考慮呢件事，又遇上上一次官司，八年抗戰，我哋重逢，佢又開始病。」
對於他的三名子女，為人父者，沒有特別期望，只希望子女活得開心。他說子女均念國際學校，同學多「鬼仔」，故沒問及爭產案。至於一度得知姓名由來，揚言要改名的長子Wealthee，陳已勸服他入大學再算。
天干地支 為子女改名
陳解釋，Wealthee的確是因母親入住威豪閣而取名，而三名子女的名字中有天干地支，包括酉、乙及丙，那是與出生年份有關。他不滿資深大狀在庭上揭其子女名字，「唔通我可以問返佢個名點解？」