【本報訊】千億爭產案主角陳振聰表示，龔如心連累了他；因為他獲贈送龔如心06年遺囑後，令他成為名人，令他向來自由自在的生活，大受影響。他在千億爭產案中說龔如心一直親暱地喚他「老公」，但他對龔如心葬身何處，卻茫無頭緒。若能贏得官司，他第一件事想做，就是爭取「拜山權」。若然敗訴，他也不擔心被警方拘捕及控告偽造遺囑，「Nina親手交遺囑畀我，唔信警察可以屈我。」 記者：梁偉強
陳振聰現時身處日本東京，與妻子、三名子女、旗下宏霸數碼副主席周白瑾度假。陳振聰昨日透過長途電話，接受本報專訪。陳振聰說，他與龔如心相戀15年，龔叫了他13年「老公」。問他愛龔如心甚麼？「佢好細路仔㗎，佢同我一齊，我哋好開心。我哋真係去玩模型飛機喇，我哋去放模型直升機喇，一齊煮飯仔，一齊傾偈，一齊睇電視，一齊睇卡通片，好多嘢喎，講唔晒咁多。佢出門旅行，佢要我晚晚食佢煮嘅飯，佢煮十『兜』畀我。」
自言非做主席材料
陳振聰指，當龔如心將06遺囑交給他後，的確有叫他做華懋主席，但他自問讀書不多，不是做主席的材料，「所以我一直推，唔好聽叫『吊兒郎噹』，好聽就係一個鍾意休閒嘅人。」詎料，龔如心卻突然逝世。
他形容龔如心患病及去世，令他經歷人生最低潮。龔如心設靈，一來，龔家對他態度敵對，二來，他擔心到場後泣不成聲，令場面失控，故避往英國。
他一直不願公開與龔如心的關係，擔心傷害龔如心，又傷害家人，故即使律師反對，他也一力主張和解。
不怕被指偽造遺囑
他說：「錢對我唔係真係咁重要，我又生活倒。我又未必管得好咁大間公司。我又唔係咁大野心，我真係好無奈。我日日都為呢件事祈禱，我個心都係相信萬物有個主宰嘅。」
對於被指偽造遺囑，陳說，「我信心大到不得了，我親手攞嘅。我相信香港嘅司法制度同目前嘅科學，唔會將黑嘅變白，陷人於寃獄，呢個機會好低好低。」
若然勝訴，如何處理華懋與龔家的問題？「要照顧佢哋喇，呢個係Nina嘅意思嚟嘅。」至於會否入主華懋，他說以其愛自由的性格，做主席不是他所願，故他一直推拒做主席，「隨遇而安喇，呢個太遙遠喇，以公司最大利益為依歸。我真係唔係幾鍾意鬥爭，唔使爭就最好。」
不過，他掛在心上的，反而是龔如心安葬何處。他說龔如心生前遺願是葬於寶蓮寺，因為他倆曾多次同遊寶蓮寺，寺門對聯是他叔公陳湛銓所寫，龔如心很喜歡，故希望葬於此寺。
不知龔如心葬何處
陳至今仍不知龔葬於何處。陳曾透過律師問，龔家不肯答。「我贏官司第一件事，係想問吓Nina葬喺邊，攞番個權去拜山。佢叫我老公，我連佢葬喺邊都唔知。」
萬一輸掉官司，他又如何？「咁我又心平氣和嗰喎。Nina畀咗呢份工我做，佢親手畀遺囑我，累我要打官司，我都冇辦法。我盡咗力同佢哋傾，傾完唔得要打，要逼我打。上訴？言之尚早。」不過，他不擔心警方調查，「因為我張嘢真係真嘅，唔信警察可以屈我，最唔擔心呢樣。」
至於會否擔心龔家追討龔如心給他的幾十億元，陳表示不擔心。「因為係Nina親手畀我嘅嘢。就算要畀番（基金），梗係畀到啦。」
至於近年的生活，他坦言少了以往的自由自在，少了生活樂趣。
他說：「冇辦法開心，點解Nina要咁做，由我處理，時間又咁倉促，又要變成咁，引伸到家呢個環境。我諗第一Nina冇諗過大家會抗議佢決定。佢對自己信心過強，以為簽咗聖旨，大家唔會抗旨。」
以龔家三姊弟及華懋老臣子為首的華懋慈善基金，與富豪陳振聰分持龔如心02及06年遺囑，爭奪龔如心千億元遺產，9月21日將作結案陳詞。
龔戴陳贈名錶接受訪問
【本報訊】千億爭產案，陳振聰拋出大量定情信物，力證與龔如心的15年戀情，當中包括龔如心的孖辮、情侶水杯、情侶合照等。據本報所知，陳振聰亦曾向龔如心「回禮」。原來龔如心95年接受財經雜誌《福布斯》訪問時所戴的伯爵手錶，也是陳振聰所贈，顯示他在龔心中地位。
據陳振聰一方指，陳振聰於92年3月透過前立法局議員梁錦濠，結識龔如心。最初他替龔按摩，醫其頭痛，但一周後，已發展至相擁共睡。同年4月，在龔主動下，兩人更開始有性關係，當時陳與妻結婚不足一個月。
在北京製造情侶杯
陳振聰早年收取龔如心共7億元，05至06年間再收到3筆各6.88億元，龔如心亦投資了5,000萬鎊到陳的宏霸數碼。至於禮物，龔曾送他兩幅范曾名畫《尊者》及《君子所言》、招牌孖辮的其中一條、王德輝的Leica相機、李嘉誠所贈兩尊觀音像、台灣副總統連戰所贈花瓶、有董建華簽名的選舉投票公文袋、五十嵐優美子所贈卡通圖畫等。
兩人曾在北京買水杯製情侶杯，共有兩隻，分別取回家保存。陳又曾送聖誕老人公仔給龔，龔如心在95年接受《福布斯》訪問時所戴伯爵手錶，也是陳所送。
「佢係要畀錢我都冇法」
【本報訊】千億爭產案，陳振聰上庭，遇上詞鋒銳利、擅長刑事案的資深大狀駱應淦，被盤問5天。他坦言不感辛苦，最辛苦是要將他與龔如心的關係公諸於世。至於最激氣的是，駱應淦暗示龔如心叫鴨，當時他幾乎要拍枱「彈起身」，與駱大狀鬧交。不為自己，而是為龔被侮辱。
不滿龔被指叫鴨
駱應淦曾在審訊中，指陳振聰只是龔如心的玩偶（toyboy）。陳振聰昨談及此事，仍感氣憤。「佢真係愛我，我哋兩個真係情人，15年相處。我哋兩公婆相處真係事實，你唔可以屈Nina叫鴨。問題係Nina冇得駁你。你話佢叫鴨，我知佢唔係，好過份喎，係咪先？」
他強調與龔如心是真愛，「呢份愛係真㗎，我愛嘅人，唔係一定要窮過我，一定要後生㗎。佢有錢唔關我事，佢係要畀錢我，我都冇辦法。」
對於有傳稅局要追稅，他毫不擔心。「我一定會合作，任何賬目都可以公開，我冇秘密。」他說：「我同Nina一齊，冇收過一蚊風水錢。佢一次都無講，話『呢啲係風水錢畀你』。畀錢係佢夾硬畀我，我冇講過一次『你畀我喇』。佢後來要畀咁多錢我，佢係都要畀，唔係發嬲，所以，我想將我嘅RCG（宏霸數碼）畀埋佢，但佢又唔要，我都冇法。」
他表示，稅局從沒向他的律師、會計師查詢或寄信到其家。