【2009香港先生選舉】2009香港先生得主今晚便會揭盅，12位候選港男昨日在將軍澳電視廣播城進行總綵排，穿上泳褲大騷肌肉。不過眾人的泳裝look卻驚喜不足，當中只有數名候選人身形稱得上健碩有睇頭，餘下的猶如未發育男孩，有人則谷胸太盡驚變女人乳房，頭細身大的9號林建邦更被發現有大細胸情況，認真古怪，1號陳偉洪則仿效一舉成名的陳柏宇，離奇激凸。
應屆香港先生選舉今晚在無綫翡翠台現場直播，12位港男將施盡渾身解數，競逐香港先生殊榮，昨日12位準港男先在將軍澳電視廣播城進行總綵排，穿上三角泳褲示人，大騷肌肉。不過眾港男的肌肉look卻以驚嚇居多，1號陳偉洪更仿效早前一舉成名的陳柏宇，在現場離奇激凸，但當與其他港男合照時，激凸又離奇消失，認真控制自如。
3號陳子仁身瘦肚凸
而4號鄭智健、6號鄭子揚、8號李偉健、10號吳雲甫和12號呂庭鋒，現場所見稱得上是肌肉男，體形健碩之餘也具線條。2號鄭鴻明、3號陳子仁和11號郭田葰的身材，卻如未發育完成一樣，又奀又瘦。不過要數全場最古怪的身形，就非9號林建邦莫屬，除有頭細身大的情況外，更被發現大細胸。
3號陳子仁在身形上較其他港男輸蝕，雖然外形瘦削但卻離奇肚凸凸，他承認自己的身材難搞，不過相信會有不少女性喜好非肌肉型男士。問他會否覺得失色時，大學畢業的他竟反問：「乜嘢叫做失色？如果身形上就係，但我有其他優勝嘅地方，好似笑容就好吸引。」
10號吳雲甫自認貪玩
至於是非港男10號吳雲甫繼早前被爆有易服癖和傳已婚後，前日又有人提供相片，爆料指他是女人湯圓，當中不乏自摸或被女圍剿胸部的照片，昨日他自然成為傳媒焦點，對於是否被整蠱，他說：「唔可以咁講，呢啲只係普通生活照，係兩年前影，嗰時玩得癲，家年紀大就唔會，心情都有少少受影響，輸咗咪有得賴。」他也否認強逼好友上網投他票，他說：「冇刻意叫朋友咁做，但我有叫佢哋可以投票，可能啲朋友見我新聞纏身，所以支持我。」
採訪：何慧斯
攝影：彭琮然
