橫店直擊
劉德華同梁家輝噚日喺浙江橫店拍攝徐克新片《狄仁傑之通天帝國》，喺片中扮演神探狄仁傑嘅劉德華，早排喺拍攝時唔小心俾火燒傷咗隻左手，噚日佢畀傳媒睇佢隻手嘅傷痕，嘩都真係好傷吓㗎！而梁家輝就之前拍《十月圍城》嗰時，唔小心喺假石板街跣親，整傷咗韌帶，兩個人都帶傷上陣拍戲。
梁家輝未睇醫生
華仔話：「我好鍾意個劇本，冇所謂啦，今次拍得好開心，拍徐克嘅片就好似返番港產片嘅黃金時期，而武指洪金寶嘅武術動作設計得好好，但係冇諗過自己會受傷，不過我諗幾年之後我都唔可以再拍動作片，到時可能跟唔上囉。」
另外，梁家輝就之前拍《十月圍城》時整親韌帶，佢受傷後一直冇睇醫生，佢話：「我諗拍完呢套片之後返香港要休息吓，個角色好特別，喺戲中我要殺武則天，同徐克合作好開心。」