32歲嘅巴西前鋒朗拿度由歐洲返巴西發展之後鹹魚翻生，幫哥連泰斯入咗唔少波，隨時有望返國家隊。最近佢仲進軍埋電影界，落實會接拍一部伊朗電影。部戲係真人改編，講述一個13歲嘅巴勒斯坦女仔喺難民營死之前，夢想可以同偶像朗拿度見面，好可惜唔可以happyending。據聞拍攝地點係喺黎巴嫩，預計今年9月初開拍，而由於朗拿度佢只係得幾日戲，所以唔影響佢踢波。朗拿度近年負面新聞不絕，早前更涉嫌嫖中有愛滋病，最後喪命嘅變性人妓女，家陣走去拍啲咁有深度嘅電影，肯定可以改變普羅大眾對佢嘅印象。