係人都知巴西中場卡卡係一位好虔誠嘅教徒，佢喺轉會AC米蘭之前每個禮拜都抽兩日去聖保羅一間教堂，成名之後據聞仲捐咗成百萬歐元俾嗰間教堂。今夏過檔皇家馬德里嘅佢，同老婆計劃出錢修葺馬德里一間教堂，等多啲西班牙人可以嚟禱告。我求大俠都相信卡卡咁做係出於好意，但講到底，皇馬以天價羅致佢同埋基斯坦奴朗拿度（C朗）重組銀河艦隊，令唔少西班牙人有怨言，話皇馬有錢都唔幫手復蘇經濟同埋紓緩失業問題，真係好唔啱。家陣佢咁識做肯回饋西班牙社會，肯定可以籠絡人心。好心C朗就學吓佢，少啲晒命，咁至襟撈㗎嘛。