近日o靚模群起出動，引來社會不少反對聲音，就連無綫總經理陳志雲也聲稱要杜絕性感o靚模亮相節目，不過昨日無綫的電視電影《四葉草》拍外景，當中不但有o靚模及美味天使參與演出，且一同穿上三點式泳衣示人，其中一人更疑似露乳暈，今勻陳總可謂自打嘴巴！
無綫電視電影《四葉草》昨日在屯門一間大屋拍一場泳池派對戲，演員有o靚模及美味天使等人，其中八模兵團之一的盧頌之（DaDa）及近日被傳到酒吧陪客的美味天使之一藍莓（劉俐）也有份拍攝。
四葉女走光
近日以性感掛帥的o靚模攻陷娛樂圈，不少人覺得她們過份賣弄性感而群起反對，連無綫總經理陳志雲日前也開口，表示會杜絕過份性感o靚模亮相節目，但監製錢國偉卻似乎當陳總說話是耳邊風，昨日要求一眾o靚模及美味天使以三點式泳衣拍攝，燕瘦環肥盡現眼前，其中陳淑儀雖然穿上短褲，卻忘記拉褲鏈，更因動作多多以致疑似露乳暈。陳志雲任由無綫旗下新戲找o靚模作性感演出，擺明自打嘴巴。
另外，DaDa之前被拍到和前港男羅天宇食飯撐枱腳，兩人將在戲中飾演兄妹，問到兩人是否拍拖，DaDa例牌否認，只表示他們收工後一起吃飯，她說：「大家普通朋友一齊食飯，唔會因為咁而避忌。」
藍莓否認陪酒
至於有傳藍莓和一班o靚模做陪酒小姐，藍莓聞言說：「唔開心一定有，因為真係好荒謬，我再澄清一次，報道全部都係失實。」她又口震震地強調沒有人邀請她出席飯局，也沒有人介紹男友給她認識，她說：「唔該唔好將我同嗰啲人擺埋一齊啦，我唔會為錢咁樣，我好潔身自愛。」以34E在美味天使中突出的柑桔（陳蕊蕊）雖然只是客串但依然搶鏡，不過她說：「個個都咁靚，我哋成班天使去書展都會着番便服，應該唔太性感嘅。」
採訪、攝影：藍文浩