【09書展星戰場】書展寫真大戰昨日展開第二回合，兩位頻傳不和的人氣o靚模周秀娜和羅凱珊（Kama），由場內鬥到場外。前日舉行過簽名會的周秀娜以露肩露腿打扮，於酷熱天氣下在金紫荊廣場派雪糕益街坊，更親自示範舔雪糕冧fans；昨日辦簽名會的Kama也不執輸，臨時加插飲奶兼送奶環節硬撼周秀娜。周秀娜面對Kama步步進逼，落實明日加料在書展獻吻。
人氣爆燈的24歲o靚模周秀娜，昨日與20歲的羅凱珊同場正面交鋒。連日來周秀娜的激盪寫真成為城中熱話，前日更以書展第一模身份舉行簽名會，昨日她轉戰書展場外的金紫荊廣場，派雪糕繼續為寫真拉客，其後則到Kama派奶谷書。
明日簽名獻吻
昨午約1時，身穿露肩露腿裝的周秀娜在兩名保安及經理人公司同事陪同下到達金紫荊，現場停泊了一輛印有其水着寫真的雪糕車，在場fans約有10多名，連圍觀途人約聚集30多人，其間更有男士捧着寫真給她簽名。雖然場面不算墟冚，但周秀娜交足功課，在酷熱氣溫下暴曬45分鐘，作狀扮食雪糕，溶了一杯又一杯，就連面上的化妝也不停溶解。其後她又坐上車親自唧雪糕，俯身出車窗將雪糕送給fans消暑，連外籍遊客也被她吸引。
周秀娜其後說：「我都好熱，妝開始溶，今次派雪糕係我同經理人一齊構思嘅。」有指她已離開書展會場，但打扮未見太性感，她笑說：「想睇我性感咪買我本書囉。」又稱昨日不入會場是不欲滋擾書展，也不介意被形容封胸輸波。
周秀娜自稱其寫真加印4,000本，但今年出寫真的o靚模明星通通自誇寫真集好賣，被人質疑有公司篤數，周秀娜說：「人哋嘅嘢唔評論，我係喺間虛心同誠實嘅公司。」提到她曾揚言寫真賣過一萬本會獻吻，她說：「飛吻ready，買咗嘅唔需要擔心。」傍晚其經理人表示寫真已賣出9,800本，周秀娜為慰勞fans將於明午3時在書展簽名會中向頭5名fans送吻。
另一邊廂，Kama曾事先張揚昨日會踩周秀娜場交換寫真，結果她臨時縮沙，下午約2時，始以背心短褲打扮現身書展4樓開簽名會，到場fans以電車男居多。會後Kama突往金紫荊廣場舉行10分鐘派奶環節，明撼周秀娜。
Kama否認篤數
Kama派奶時被fans及市民共百人包圍，聲勢上贏周秀娜，fans又影相又搶奶，但場面尚算有秩序，一名男fans更在她身旁即場隊奶。問Kama為何派奶，她說：「我知道有好多fans攞唔到籌，希望回饋佢哋，牛奶有得飲，同埋健康，所以準備咗50樽。」是否特登派奶撼周秀娜？她答非所問地說：「我知道佢今日派雪糕，噚日都諗住今朝同佢交換寫真，之後預唔到時間去唔到。」對於有家長指其寫真太暴露，Kama說：「我唔覺得暴露，係健康性感，唔會意識不良。」Kama自稱前日賣出5,000本寫真，要加印一萬本，今日公司會舉行祝捷會。有傳其寫真有篤數之嫌，她說：「個數賣幾多係公司話，我唔清楚，但啲朋友喺出面見到真係賣晒。」
採訪：何永寧、張俊銘
攝影：彭琮然、仇志德
今日看點
‧07年書展女王Race現身簽名會，且看能否重現當年哄動。
‧A.Lin等8模入侵會展，也是最多o靚模現身的一天。
‧期待有o靚模效法Angelababy和Rainbow等私人性質突襲書展。
今日簽名會時間
12:00pm Kawaii、黃瑩《美麗達人溫泉之旅》
3:00pm Race《RforRace》
3:00pm E記、Wing《最好的時光03》
3:00pm 鄺美雲《雲觀世界》
4:00pm A.Lin等8模《Girl'sLookBookVol1.2》
4:00pm Mini《夏至狂幻想小說集》
5:00pm 王貽興
8:00pm 梁榮忠《愛的禮物》
資料來源：香港書展