甄子丹在上海拍完《十月圍城》，早前又轉到銀川鎮演出李仁港執導的《錦衣衛》，戲中他有一場出浴戲要拍，為了這場戲，他由兩個月前開始keep弗，務求在鏡頭前，全身肌肉均有線條美。
甄子丹去年因為《葉問》在中港台三地叫好叫座，令他人氣急升，片約源源不絕，結果今年他就一口氣接了5部戲，由於每部片都要應付連場動作戲，體力負荷實在太大，本月初他在橫店演出一場《錦衣衛》動作場面時就不小心傷了腿，看過醫生後，醫生叮囑3個星期不能有劇烈動作，李仁港導演感到很苦惱，劇組又不能停工，只好安排他演文戲。
半裸晒錦衣衛紋身
傷勢沒大礙後，大隊又轉到銀川北堡繼續拍攝，其中一場出浴戲，把他的上半身全裸露出來，而且胸前還刺着錦衣衛三字的紋身，子丹昨日在電話中表示：「為咗呢場戲，我由拍攝前兩個月已經開始keep弗，每日午餐我都唔食飯，只靠食蛋白粉保持營養，加上臨瞓前仲會做一輪運動，所以經過兩個月嘅操練，啲肌肉都操得幾發達。」
「我真係熱到想死」
在夏天拍古裝戲，子丹認為是苦不堪言經歷，他說：「早陣子喺橫店同銀川沙漠地帶拍戲，我真係熱到想死，仲要着住幾重古裝衫拍打戲，呢種滋味好難形容，所以日後再接戲，我一定唔會選擇夏天去橫店或沙漠開工，秋天或冬天就冇所謂，夏天就真係可免則免，呢啲錢真係唔易搵。今年一路拍都未停過，真係身心皆疲，出年可能會減產，畀自己好好休息吓！」
採訪：葉雪