陳奕迅（Eason）的父親陳裘大多年前患肝癌，但最近成功找名醫治肝病續命，Eason背負沉重的藥費，四出巡迴演出撲水。前晚Eason錄影《勁歌金曲》，問到是否忙於撲水？他直言「膶」（肝）很貴，又公然呻窮並鬼馬地向傳媒笑說：「借幾嚿水嚟吖？」
日前陳奕迅在北京舉行巡迴演唱會，演出後馬不停蹄返到香港，前晚到將軍澳電視廣播城錄影無綫節目《勁歌金曲》。Eason的老父陳裘大多年前患上肝癌，早前傳出在京接受換肝手術，並經內地著名藝人韓紅介紹下，找得大國手名醫為陳父治療肝病，而陳裘大日前更精神奕奕現身Eason的北京演唱會，但因服用的藥材十分昂貴，有傳Eason因此而四出表演撲水。
「幫親人天經地義」
就此傳言向Eason求證，他表示尚有本星期尾廣州及下月的吉隆坡站，便完成巡迴之旅，是否為老父醫藥費撲水？Eason不失一向鬼馬本色說：「唉，一言難盡，我好窮，真係冇錢，有冇多啲錢？借幾嚿水嚟吖？總之寫得我越窮越好，啲『膶』（指肝）好貴。」笑問是否金銀膶（指名錶）？Eason笑言叫記者自己意會。
是否因老父要換肝續命才要拚命做巡迴演唱會？Eason強調自己很享受做個唱，不過他之後認真說：「咁幫親人係天經地義嘅事，應該錫屋企人，冇父母就冇自己。」Eason又表示醫藥費未有造成很大壓力。其後又謂親自邀請老父看北京演唱會，不過若身體有病其實不應四圍去，以免被狗仔隊追訪。
老父換肝成功是否能夠專心工作？Eason笑言自己一向很專心，但父親不是公眾人物故沒有必要承受不必要的壓力，目前他最重要是休息，Eason笑稱：「我後生當然要拼搏，積穀防饑。」
Eason未有透露老父身在何處，只表示他要好好休息。談到和謝安琪（Kay）因傳緋聞，令Kay和Eason老婆徐濠縈見面時互當透明，Eason只說：「無中生有，我老婆梗係冇我同Kay咁熟。」
陳偉霆俾女騎
另外，節目中陳偉霆（William）瞓在地上幫HotCha三位成員做出米高積遜（MichaelJackson）的經典45度斜身舞姿，但William搞笑說：「阿媽話俾女仔騎過唔吉利。」William又表示願意給雙倍價錢買女友楊穎（Angelababy）的寫真，至於其他的則沒有興趣。Eason則自誇有超級無敵「動L」彈，但做完劈腿動作則按大腿內側笑說很痛。
採訪：卓寶花
攝影：彭琮然