【09書展-獎門爭食】曾志偉昨日無懼o靚模攻陷書展，踩場為《獎門通勝》舉行簽名會，他的新作原價180元，書展價減至88元。志偉賣花讚花香說：「我哋本通勝一年365日都睇得，o靚模相一陣睇晒！」
曾志偉、阮兆祥、王祖藍和錢嘉樂昨日為《獎門通勝》到會展4樓簽名區進行簽名會，劉玉翠、森美、姚樂怡、梅小惠和鄧兆尊等組成打氣團，一行十人浩浩蕩蕩出現，即成為焦點人物，全場起哄。
Kama書迷過檔
同場打對台舉行簽名會的是o靚模Kama，由於獎門人較Kama簽名會遲半小時舉行，故早有不少fans聚集，當時有過百fans聚集在Kama的簽名區，當獎門人駕到時，約數十位Kamafans即過檔獎門人的簽名區，搶去不少風頭。
問到志偉成功去搶o靚模Kama風頭，他說：「我哋有4個人，佢得1個人，我哋梗係贏佢，呢度乜嘢美男組合都有，本書本來印咗3,000本，家要加印，o靚模啲相一陣睇晒啦！得啲相，我哋本通勝一年365日都睇得，原價賣180蚊，家書展價賣88蚊。」問志偉可會與Kama交換作品？他即說：「出面嗰啲5本換1本呀！」記者笑言o靚模寫真集有胸睇，志偉搞笑說：「有奶便是『娘』！」
預迷債冇得賠
另外，雷曼迷債回購方案達成終極協議，雖然大部份雷曼苦主都可獲得相等於本金七成的賠償，可是仍有千多名苦主因被界定為專業或經驗投資者，不會獲得分毫賠償，其中曾志偉、張學友也不獲賠償，志偉說：「冇所謂，預咗冇得賠，蝕咗幾多我唔記得，畀心機搵番啲錢好過，有好多老人家可能更需要啲錢。」問他可會爭取賠償？他只說有得賠當然最好。
採訪：何慧斯
攝影：仇志德、彭琮然