小學到初中階段的我都是一個漫畫迷，皆因離家不遠便有出租漫畫，那時一放學便留在那裏打躉。不過漫畫熱潮轉轉轉，近兩年日本方面更流行將熱爆漫畫拍成真人電影，例如《NaNa》、《死亡筆記》再有《爆粗Band友》，將更多非動漫迷吸入熱漫世界。來到暑假，動漫迷最熱捧的十大又是那幾本，你又睇過幾本？
男女有別
問到漫畫連鎖店「十大書坊」的店員，最近客人通常愛看甚麼漫畫，原來真的男女有別。女生果真是感情特別豐富的動物，店長Money話：「男仔通常會睇有關運動、怪異同有關學術主題嘅漫畫，而女仔真係十個有九個都會追看愛情漫畫。」
五大男生熱漫
《狐忍》
一個沒天份的忍者變到萬人敬仰。
《漂靈》
死神與魔界故事。
《神之水滴》
兩主角爭奪夢幻紅酒。
《網球王子》
圍繞校園網球活動。
《彼岸島》
吸血鬼引人到彼岸島吸血。
五大女生熱漫
《交響情人夢》
音樂系學生的愛情故事。
《下一站巨星》
一個普通女孩成為明星的故事。
《夢幻芭菲》
校園愛情故事。
《今天開始戀愛》
校園愛情故事。
《NANA》
兩個女生的不同成長路。
書坊直擊：你睇緊乜？
Money25歲
十大書坊ShopManager
「我本身都係鍾意睇漫畫，特別鍾意睇有思維、深度嘅故事。我覺得始終上網睇同攞上手睇有好大分別，揸住本漫畫嗰種感覺強好多，令到你有好想追落去嘅Feel。呢度一放Break同放工都有好多人嚟，個個都係嚟Enjoy，做自己鍾意嘅嘢！」
Money推介：
Tong25歲Sales
「我最鍾意睇《OnePiece》，係冒險Adventure嘅故事。我去咗十大書坊兩年，一個星期租兩次書，睇書就唔定，成日都會嚟睇，由細到大都好鍾意睇漫畫。」
Kathy21歲
「我由中學開始睇漫畫，以前都會上網睇，但會睇到對眼好攰。我新舊漫畫都睇，例如《我們一家都是鬼》、《流星花園》同《漂靈》等。」
阿儀2×歲
「我比較鍾意睇少年漫畫，例如《狐忍》同《死神》。我會留意故事內容，同埋有時畫功幾靚都會睇吓。以前都會上網睇，但個Feel始終唔同。」
十大書坊（27711016）旺角亞皆老街67號3樓
宅女長青榜十大
要數長期有Fans追捧的十大少女漫畫，經過一番追訪之後，結果如下，你又睇過晒未呢？
