李力持今年都有出書湊吓熱鬧，噚日佢拎住本新作到新城送畀忠實讀者薛家燕，家燕姐話好鍾意朝早開咪講吓李導演嘅笑話，令聽眾有開心嘅一日。講到o靚模衝擊書展，家燕姐話o靚模雖然身材同條件都好好，但唔好過份賣弄性感，誤入歧途，應該進修演藝技能，李導演都話娛樂圈需要新血，要才藝出眾，最驚係冇腦得一個殼咁就捱唔住俾人淘汰。