四叔又再開腔，今次佢冇A講得咁白，只係話會趁港股升上二萬至二萬五逐步減磅。換言之，佢已經話畀大家知，後市睇二萬五到位。
如果今波升浪真係上到二萬五，是否就代表股票將會好好炒？星俠唔會在此表達意見，因為大市點數某程度只係提供市況一個「偏高」或「偏低」之訊號而已，事實上很多股票走勢唔會理個市跌定升；所以，無論個市係牛係熊都好，只要能夠令人炒股獲利、搵到錢就得。
港股昨出現整固，但尾市由低位抽番上去，兼且成交增至800億元，反映大市承接力夠強，散戶應好好把握呢個浪。
上望2.3元
東北電氣（042）早前有內地傳媒傳出股神畢菲特入股而「喪炒」，高見2.71元，之後公司否認有關傳聞，股價回吐至1.53元喘定後反彈，7月初一度重上2.08元，其後出現整固，在1.72至1.96元窄幅上落。
昨升5.3%，收報1.99元，突破短降軌，成交增加，動力轉強，可伺機買入，目標2.30元，短炒跌穿1.72元止蝕。
方星俠