章子怡本來打算下月同男友ViviNevo拉埋天窗，點知話兩人因為工作忙要押後婚期，咁章子怡忙乜嘢呢？原來佢呢排忙為電影《非常完美》下月14日喺內地上映進行全國宣傳，章子怡喺戲中飾演女主角蘇菲，係一個充滿幻想嘅漫畫家，為咗配合劇情講佢成日發白日夢，畫面上都花啲功夫，加咗啲流鼻涕小豬、吸血蟲等。