已故國際巨星米高積遜（MichaelJackson）逝世後，圈中不少嫌疑整容藝人鄭裕玲（嘟姐）、容祖兒均被拉扯來相提並論，被指是女版MJ，嘟姐於事件後昨日首度出席公開場合，雙頰顴骨激凸，面部輪廓瘦如骷髏頭，對於被稱女版MJ，嘟姐直斥：「唔理，不懷好意，令自己唔開心何必呢？」
國際巨星米高積遜曾多次接受整容手術，絕對稱得上是整容鼻祖，但經過多番修葺後，MJ臉容叫人嘩然，充份表現出整容的後遺症，與此同時圈中藝人鄭裕玲、容祖兒的整容傳聞亦漸趨增加。
不再甩皮卻暴瘦
MJ逝世後有周刊指嘟姐是女版MJ，昨日嘟姐在事件後首度現身公開場合，在尖沙嘴日航酒店出席香港先生宣傳活動，其實嘟姐與呂方甩拖後明顯暴瘦，昨日所見更加明顯，尤其面部雙頰顴骨激凸，瘦得跟骷髏頭一樣，不過過往被指狂換膚導致面部甩皮的情況不再，雖然皮膚狀况好轉，但依然瘦得我見猶憐，對於被指是女版MJ，嘟姐有備而答謂：「我冇睇，唔理，不懷好意，令自己唔開心何必呢？」不欲多談有關傳聞。
睇泳褲環節必然
嘟姐將會夥拍陳貝兒和楊千嬅擔任本周六《2009香港先生選舉》司儀，昨日首次跟參賽者見面，強調最緊要做得開心，對她而言亦沒有難度，而對參賽者的評審準則，嘟姐說：「睇泳褲環節就必然，最緊要樣靚身材好，口齒伶俐，有精采答案，要多啲必殺技，總之就盡自己所能啦。」
採訪：卓寶花
攝影：陳志嵐