【本報訊】「你話佢慘？我哋仲慘呀！」在蛇口招商派出所門外守候了一星期的七、八名債主，狠批躲在派出所內的曹婦欠債不還，又謂：「佢喺裏面有瓦遮頭，我哋就要瞓街！」債主們表示要與她長期作戰，所以帶備日用品，在派出所門外守候。
「佢去邊就跟到邊」
其中向曹婦紡織廠供煤的賴先生（60歲），對事件忿忿不平，「佢拖欠咗我間公司42萬仲未還，夜晚我要瞓喺外面嘅石壆，我仲有心臟病同血壓高㗎！」另一名被拖欠68萬元的夏先生則說：「太唔公平、太唔公正！……」「佢屋企有錢，就係唔肯還錢。」
對於曹婦聲稱擔心自己的人身安全，債主們表示不會對她不利，不過「佢去邊我哋就跟到邊，直到佢還錢為止」。