獅子行滙豐銀行進一步喺內地擴大版圖，噚日再下一「城」，濟南分行正式開業，令獅子行喺中國嘅網點增至20個主要城市，仲要成為第一家打入濟南嘅外資銀行。為隆重其事，滙豐亞太區行政總裁霍嘉治（SandyFlockhart）仲特登北上濟南，親自主持分行開業儀式㖭！
平時見Sandy喺記者會上表演踩單車、欖球等運動比較多，今次擊鼓助興都係第一次見，話晒環渤海經濟圈都係內地重要嘅經濟命脈之一，第一間分行就開設喺濟南，而太原分行亦都獲批，家仲係籌建階段，希望今年之內可以搞掂。
太原分行開始籌建
滙豐濟南分行同時提供公司同個人銀行服務，其中個人金融服務以「卓越理財」為主，家內地有錢人越來越多，投資動輒以十萬人仔計，獅子行梗係要盡快吸客，打響品牌，日後就可以順順利利向A股上市出發。