喺05年俾《時代雜誌》選為「全球最有影響力的100個人」嘅MalcolmGladwell，無論喺９年前出版嘅《TheTippingPoint》，定喺去年出版嘅《Outliers》，每次出書都會成為話題，可以話對全球影響極深，在財經界更是大紅人。
憑TippingPoint一書成名
華華前日睇到廣告，發現呢位加拿大作家又有新搞作，原來佢喺8月7日會嚟香港開一場演講，同一眾觀眾講吓對引爆趨勢同金融海嘯嘅睇法。講座主要分為兩部份，第一部份講TippingPoint，同觀眾探討擁有社會力量嘅人，點運用佢哋嘅能力，去增加佢哋嘅影響力，而另一部份就會用軍事歷史同決策方式，講吓金融海嘯嘅發生，佢話因為過份自信令到金融專家無法阻止海嘯出現。
請到咁大粒明星作家嚟講Talk，門票一定唔平，要6000蚊，就算會員價都要5200蚊，認真揦脷！計落成個講座為時4粒鐘，除開每分鐘要成25蚊。
不過對唔少人嚟講，今次幾貴都喺一個好難得嘅機會，因為MalcolmGladwell嘅書真喺深入淺出，帶嚟唔少反思畀讀者。就好似令佢一舉成名嘅《TheTippingPoint》裏面提到紐約前市長朱利亞尼，點樣用睇落似雞毛蒜皮嘅方式打擊罪案，從而帶出如何透過小事，去觸發一個趨勢嘅出現。至於《Outliers》，就係講成功並不是靠天才，佢更提出天才全部都經歷一萬小時的準備，才會成功。
李華華
mailto:[email protected]