【09書展-互相踐踏】日籍模特兒椋名凜（Rin）昨日到旺角鬧市出席手錶品牌活動，即將在書展推出性感postcard《Kiss》的她，為o靚模寫真逐一品評，先讚周秀娜（Chrissie）的刷牙look夠funny，後踩羅凱珊（Kama）得個cute字。
有日本ParisHilton之稱的模特兒椋名凜，昨日應手錶品牌Swatch邀請到旺角出席宣傳活動，在街頭與年輕人合作完成巨型手錶圖案拼圖，並即場接受人體彩繪。
途人爆粗讚靚
將在書展推出性感postcard《Kiss》的她，其間不忘向途人派發postcard宣傳，吸引不少麻甩佬收集，不過男士對她有讚有彈，有人盛讚她巨胸，也有指她身形矮細，甚至有人破口大叫：「好X靚。」椋名凜事後表示聽不到途人爆粗，但也感謝他們的讚賞。
Rin明日在書展舉行簽名會，但今日也會到書展參觀，提到o靚模的寫真時，她直言對早前盛傳跟她不和的周秀娜寫真集最感興趣，還會親自購買以示支持，她說：「因為覺得周秀娜本寫真構思幾大膽，又性感又cute，有啲刷牙look幾有趣，連日本都好少見。」另一o靚模Kama的寫真號稱半裸出擊，但Rin對其興趣不大，她說：「佢本寫真只係得靚相，唔性感，得個cute字。之前我有朋友喺日本都見過Kama行騷，覺得佢只係好普通。」
撐周秀娜真胸
Kama日前直指周秀娜裝假胸，Rin聽後力撐周秀娜說：「如果係真嘅話佢好麻煩，唔需要再多講其他女仔，我覺得周秀娜身材係真實，有時月經前後都會有差別，唔可以用一張相嚟定斷。」
採訪：卓寶花
攝影：陳志嵐