李冰冰喺新片《狄仁傑之通天帝國》飾演上官靜兒，造型都幾似林青霞嘅東方不敗，一樣係識武功嘅。拍動作場面時，受傷好難避免，日前佢拍攝一場騎馬戲時，就因為唔小心墮馬，搞到腳踭受傷，好彩冇傷到頭骨，不過導演徐克當日就驚到死，因為演員安危佢都好關心，加上冰冰佔戲唔少，有乜傷都會影響拍攝。