鄉議局沙田石門新大樓已經動工，不過仲未夠錢埋單找建築費條數，主席發叔四出向人揼心口，新地郭氏三兄弟同恒地四叔各捐500萬元，為表謝意鄉議局決定將兩間行政辦公室冠名權送出。鄉議局話仲有一間房未冠名，發叔明益新世界純官，日前同對方食晏，相信多500萬進賬問題不大。
鄉議局發揮聚沙成塔精神，新大樓各項設施冠名權最低消費200萬元有交易，廚房、廁所都想冠名無任歡迎，捐咗300萬元嘅發叔可以命名圖書館，據知玩具大王蔡志明都有興趣捐間房。
發叔又出錢又出力，日後新大樓中庭會放置發叔銅像。發叔噚日同八方講，新大樓大門設計似乎略為小家，唔得大體，已吩咐建築師香灼璣執番正佢。