【09書展-元祖出擊】書展大戰今日揭幕，在本報街訪中領先的元祖級o靚模Angelababy（楊穎），昨日搶閘出書。Angelababy推出的《MissAngelababy》寫真集，以巴黎靚人靚景配時尚服裝做主打，內容全部是型格靚女相，沒有文字配襯。揭開寫真，就是Baby一輯充滿fashionstyle的大露背晚裝，髮絲凌亂的她用手遮胸，感覺慵懶性感。內裏照片造型多多，有baby穿bratop、扮可愛小公主，也有素顏大頭closeup、性感居家feel的tee與熱褲造型等，比之前發放的相片性感。
Baby昨日接受訪問時分享拍攝過程，她謂最辛苦是在巴黎鐵塔下拍攝，因為要步行很遠，又要面對圍觀遊客，她說：「最鍾意係bratop戴軍帽嗰輯，好有型，好有feel，係喺骨子裏散發出嚟嘅型格，俾人睇到唔係單方面嘅baby，另一輯着三角褲，其實係泳褲嚟，我覺得拍得好優美、好靚，唔係賣弄色情嘅性感，而係我20歲嘅成長印記。」
為Fans感動落淚
Angelababy代言的時裝品牌2%，昨日為她率先推出寫真套裝版本，Baby在觀塘apm店內為購買套裝版的fans簽名，由50個籌臨時加碼到90個，過百人排隊等簽名。
不敢擺周秀娜甫士
Baby透露從fanclubleader口中得知，fans前日早上9時已排隊至同日下午4時取籌，昨日去到索取簽名，她說：「我知大家排得好辛苦，噚日知道都有喊，自己努力得到人哋認同，都好感動。」問會否加印？她說：「今次初印兩萬本，希望可以加印，我睇到（《蘋果》）調查，估唔到咁多人支持。」她笑言要叫緋聞男友陳偉霆買一打寫真支持，問可會買其他o靚模的寫真看看？她說：「冇買，有機會會睇吓，睇吓邊個吸引啲。」她又謂不敢擺周秀娜寫真的甫士。
採訪：LawWaiMan
攝影：MatthewLam