昨日DoDo姐教我哋揀老黃瓜，今日佢又教我哋揀苦瓜！平日乜都係外國貨好，但今次佢話內地苦瓜最好食喎！「內地苦瓜叫雷公鑿，一個心形咁嘅；佢最甘味，如果怕苦，切薄啲，用鹽省吓佢，就又甘又好味！」DoDo又話其他仲有泰國的油苦瓜，長條形，苦味較少，平日在街市最常見，用來炒都幾好味；最淡味係台灣珍珠苦瓜，表皮有一粒粒好似珠仔的粒粒，用來做沙律或者榨汁飲都得。