前日颱風莫拉菲襲港，幸好未有影響黎明（Leon）尾場演唱會，當晚Leon發功冧歌迷，最後全場fans合唱《我這樣愛你》送給Leon，令他十分感動。對於新寵文詠珊（JaniceMan）初次登場表現，Leon有讚冇彈，更發揮金句王本色，指她日後必成為新一代「模art」，即是模特兒和artist的混合體！
黎明一連4場的《DreamWeddingLeonLive09》演唱會前晚在紅館大功告成，前日剛好颱風莫拉菲正面吹襲香港，幸好來匆匆去匆匆，全部風球下午已除下，結果Leon尾場個唱順利舉行。
跣腳險跌倒
當晚Leon不時發揮金句王本色，他在台上說：「有時愛情入面有傷心、愛恨，未知可唔可以長久，我哋生活喺乜嘢都有嘅地球入面，你哋選擇喺星期日嚟呢度睇我，而我又毫無選擇下同大家唱歌，有時人與人之間要向前行一步。」接着他唱出衞蘭一曲《心亂如麻》。其間Leon到兩邊和fans握手，當落樓梯時竟不慎跣腳差點跌倒，幸好有驚無險，但全場觀眾都被嚇一嚇，Leon驚魂甫定笑說：「個天真係錫大家，我跣都係喺尾場先嚟跣。」
接着Leon又有感而發說：「我前一晚發夢，見到啲總編輯問我三個問題，呢三個問題無論我點答，記者朋友都唔會睬我，我唱『讓我孤獨的心……（《我這樣愛你》歌詞）又話我寄情畀樂基兒，其實唱呢首歌時我都未識樂基兒。」最後全場觀眾陪同Leon唱《我》歌，令他十分感動。
「做嘢有動力」
事後Leon到酒店出席慶功宴，談到在台上險些跣倒，他說：「對鞋跣一跣，最多咪跌倒。」至於JaniceMan的表現，Leon讚賞說：「佢係新人攞實戰經驗好過模擬，做多啲唔同嘅嘢，不過佢做嘢都好有動力，唱嗰首歌都係錄咗3個鐘就搞掂。」Leon表示JaniceMan未來會主力在模特兒及電影工作發展，暫不會做歌星，還發揮金句王本色笑稱：「佢會做模art。」意思是模特兒和artist的混合體。JaniceMan則坦言出場時很緊張要和工作人員祈禱，對於近日o靚模湧現，JaniceMan說：「我唔算前輩，最緊要做好工作，代號唔使太在意。」
採訪：胡比
攝影：黃偉雄、仇志德