台灣組合五月天嘅鼓手冠佑，早前因為涉嫌購買贓車受警方調查，其他成員對佢不離不棄，噚日大家仲一齊喺台灣出席保險宣傳，怪獸仲拎冠佑開玩笑話：「因為冠佑比較容易出事，所以我還是替他買保險好了。」全場哄堂大笑，冠佑再三強調自己係清白，呢件事令佢學精咗，仲呼籲歌迷買車要小心啲，不過最感激五月天成員嘅支持，患難見真情先係真正朋友。