炎炎夏日，民族、部落這股熱辣辣風格都成了設計師靈感，波鞋界更愛上火熱動感。PUMA最新系列就索性踩入非洲，以非洲傳統鮮艷民族色彩做靈感推出一系列運動服，當中主打潮友至愛的波鞋。今次搵嚟以少爺占作元首的野仔樂隊，他們跳跳紮說自己與這季非籍PUMAItems是同鄉，與每對鞋甚至Tee都襯到絕！
記者：葉雪芯
攝影：陳陶鈞
多色圖案部落格
民族部落風已經由上幾季吹到今夏，但波鞋界似乎嫌未夠熱，要將這個火辣辣感覺延續至來季冬天。講的是PUMA最新秋冬系列，已經急不及待在暑假滲出來，系列靈感主要來自非洲，取材充滿鮮艷色彩的非洲傳統民族部落特色，以紅、黃、綠成為主要色調，仲加入animalprint，虎紋、斑馬紋等。至於Tee方面，顏色就比過往PUMA一貫的用色更大膽，仲加入不少以非洲國家為主題的圖案，例如大象、鑼鼓及飛鷹等象徵非洲傳統土著特色的圖案。各位，準備好非洲之旅未呢？
PUMA紅×藍色CabanaRacer$549（左）、PUMA螢光黃色Suede$579（右）
狂野潮鞋懶人最Buy
少爺占平日行為言談有幾騎呢癲喪就不需多講，估唔到成隊野仔組合都一樣狂野。他們踏上PUMA新鮮滾熱辣出場的非洲系列波鞋已經大叫顏色夠Sharp，更大讚其中九十年代出產，首對使用「DiscClosureSystem」的跑鞋DiscBlaze。三位野仔大玩其「扭扭鞋帶掣」，阿占說：「返學時代曾經超迷這款鞋，當時只有黑白灰藍等沉色，今次顏色撞得好靚，尤其shocking紫，好迷幻，型晒！我最鍾意個過癮鞋扣，唔識綁鞋帶的，只要係咁扭擰就搞掂！」另外，他們亦大讚Tee圖案：「好fashionable！今個月27號個musicshow都揀咗這個系列嘅tee來着，有晒大笨象、飛鷹，顏色咁sharp，好襯我哋野仔style呀！」
（左）PUMA綠色彩橫間polotee$399
（中）PUMA飛鷹圖案tee$299、
DiscBlaze紫×黃波鞋$999
（右）PUMA黑色彩橫間polotee$399
PUMADiscBlaze紫×黃色斑馬紋波鞋$999
鞋身設有代替鞋帶的鞋扣，向右擰可鎖緊，向上拉則解鎖。以鞋扣控制鞋的鬆緊，十分方便。
查詢：Puma（31050991）
九龍塘又一城L1層09號舖