炎炎夏日，煲湯一定係瓜湯最好，除冬瓜之外，老黃瓜亦係最受歡迎的湯水之一。老黃瓜話明係老，當然係越皺越好啦，師奶廚神兼再培訓局烹飪課程導師張靜芬DoDo教路：「皮越多紋越皺、夠重身就越好，光滑無紋就唔好要喇！」佢仲話老黃瓜高纖、解渴又利水，低膽固醇又可以抑制糖份變成脂肪，夏天飲用嚟減肥就最適合，「用排骨、黃豆或者赤小豆煲都好；記得煲的時候連皮煲，咁就更加有益！」
