近期中港兩地股市表現咁勁，相信係反映市場對中國經濟「保八」非常有信心。
有人問星俠，中國去年舉辦北京奧運，今年係中華人民共和國建國60周年，明年上海舉辦完世博之後，中國市場仲有乜嘢概念呢？星俠以為，目前沿海省分發展迅速，估計國家未來將集中全力催谷西部發展，話唔定到時股海會掀起炒「西部概念」。
直轄市之一的重慶，在西部發展上角色吃重，具「渝系背景」股份可列入觀察名單，其中一隻係重慶機電（2722）。
該股去年盈利5.04億元人民幣，增長11.9%，今年以來接單情況理想，首兩個月已達全年目標60%以上，尤其係柴油發動機、工業泵、高壓變壓器及水力發電機組等產品，已達到09年所預定的目標，加上原材料大幅降價，料重慶機電今年將大豐收，長短線皆宜。
短炒目標1.6元
重慶機電股價於1.20元至1.50元橫行逾兩個月，上周五升2.3%，收1.32元，蓄勢突破由5月延伸的降軌阻力，伺機追入，短炒目標1.60元。
方星俠