【本報訊】患抑鬱症的父母，不但未能控制情緒，很多時連照顧子女也無能為力，容易因失控以暴力對待子女，令子女出現負面情緒。一項調查發現逾半抑鬱症患者的子女出現不同程度的抑鬱症狀，更有患者因年幼時被抑鬱症父親打罵，長大後以同樣方法教導兒子，令親子關係大受影響。
建議設情緒支援中心
阿Jan年幼時父親因妻子逝世大受打擊，父親更患上嚴重抑鬱症，「佢（父親）每日返到屋企都會鬧我同姐姐，到我自己有咗小朋友，都會成日鬧佢、打佢，諗番轉頭都覺得自己對個仔，就好似以前爸爸對我咁。」她兩年前持續失眠，又經常無故哭泣，更出現尋死念頭，甚至以責罵兒子來發洩，後來求診才發現有抑鬱問題，雖然病情已好轉，但以往經常打罵兒子，卻令他留下陰影，「試過想攬佢，佢以為我想打佢即刻縮開，真係好心痛。」
10多歲時目睹母親吊頸自殺的少珍，育有兩名分別18及8歲兒子，少珍6年前發現患上抑鬱症，「可能細個俾媽咪影響，加上離婚後經濟有問題，所以成日留喺屋企，唔會帶小朋友出街，照顧唔到兩個仔，又會想自殺。」大兒子更在青春期時出現情緒困擾，長達半年不願上學，甚至手。
香港基督教服務處上月訪問55名9至15歲、父或母是抑鬱症患者的兒童及青少年，發現逾半出現抑鬱症症狀，兩成患者曾被患抑鬱症的父母打罵，更會經常擔心父母病情惡化、家中沒有錢及沒人照顧自己等問題，但他們普遍認為難以尋求支援，該處建議政府設立以家庭為本的情緒支援中心提供一站式治療，為患有抑鬱症的父母及子女提供康復治療。