天王嫂樂基兒（Gaile）15歲便做model四圍飛，最難忘的是上年去了秘魯旅行，令她改變對事物的看法，Gaile還考慮與男友黎明去埃及看金字塔。不過Gaile好動，黎明則愛靜，所以兩人將來honeymoon的地點仍然未有定案。
樂基兒日前出席有關旅遊的活動時接受本報訪問，大談她的旅遊經驗，出門更有隨身三寶，包括i-pod、潤唇膏和面膜，她說：「i-pod好緊要，聽歌可以輕鬆消磨時間；上飛機會好乾，一定要經常搽潤唇膏，最後面膜一定要有，好多時一落機就要做嘢，開工前要做保濕mask，keep好皮膚。」
難忘秘魯之旅
美國長大的Gaile自小已十分獨立，她說：「我8歲已經跟學校去野外露營，瞓睡袋，自此好喜歡大自然，印象最難忘就係同一班朋友去咗南美秘魯旅行，好似dreamcomestrue，改變咗唔少諗法，眼界大開。」
Gaile日前往捧男友黎明（Leon）「DreamWedding」演唱會，個唱昨晚便完結，問二人會否在個唱後出埠充電？她說：「應該唔會，今年大家都好忙，同Leon嘅時間好難夾，每次旅行都係最後一刻至決定，之前同佢去日本滑雪都俾狗仔隊跟到。」
性格一動一靜
Gaile坦言希望可與男友同往文化氣息重的地方，她說：「我細個已經好想入金字塔探險，仲想去摩洛哥欣賞當地嘅藝術同建築，其實我都想去safari睇動物，如果同Leon就到時間，都想一齊去埃及睇金字塔。」兩人拍拖4年，女的好動、男的愛靜，問Gaile可有傾過honeymoon的地點？她說：「暫時未諗，我鍾意大自然，Leon就好唔同，仲未討論。」其實Leon以婚禮做個唱主題，一切已盡在不言中，看來二人距離蜜月日子不遠，是時候想一想了。
採訪：JessicaNgan
攝影：RickyIp
