坊間雖有反o靚模潮，但Lavina（鍾蕙芝）及Rainbow（胡心諾）一於少理，兩女日前更一邊浸spa，一邊接受何紫綸主持的網上雜誌訪問。經常作噴血打扮、擁34E咪咪的Lavina表示喜歡浸spa保滑溜肌膚，在男友面前也會打扮得更性感。
o靚模Lavina和Rainbow日前在中環一間香薰浴中心接受網上雜誌《Men1000.com》訪問，Lavina博到盡以性感比堅尼上陣，大騷34E咪咪。Rainbow和Lavina均覺得一邊浸spa一邊接受訪問，感覺新鮮。
「未夠膽露點」
在訪問中，Lavina自言思想成熟及待人友善，至於經常性感示人，她表示為了配合客戶需要和潮流，她強調：「暫時我都係着泳衣同內衣，未夠膽露點，呢個係我嘅底線。」Lavina擁有34E驕人身材是否感到自豪？她說：「我嘅身材係天生，媽咪賦予畀我，我都會鍾意自己嘅身材。」
Lavina表示要行性感路線，也要工欲善其事，必先利其器，她享受浸spa保養肌膚，她說：「因為成日要戶外工作，家夏天太陽好猛，曬到啲皮膚好粗，浸番spa可以令皮膚滑溜，不過我想黑啲，望落會瘦啲。」近日工作承受不少壓力，Lavina也乘機浸spa紓緩一下，令情緒更平靜。
給人性感女神形象的Lavina，對性的態度可是同樣開放？她笑說：「唔應該以貌取人，我嘅性感只限工作，平時打扮會密實，但當然喺男朋友面前，我都可以性感啲，但其他人就要同我熟啲先啦。」
遭抨擊唔開心
雖然屢被抨擊，但Lavina無悔加入o靚模行列，她說：「要勇敢面對，有困難唔應該咁易放棄，近來發生好多事，之前有啲唔開心，但有身邊人支持，可以繼續做落去，我冇後悔過，每人有自己嘅路，我唔介意性感。」
採訪：何永寧
攝影：陳慧安、葉君海
場地提供：GlowConcept
