新地郭氏大哥郭炳湘上星期大手筆私人認購一億美元金隅配股，成為政商界話題，呢隻新股超額認購得好緊要，外間樂觀預期只要攞到就有得贏，但原來大K上星期除咗專注投資，亦非常關心特區教育事業。佢以新鴻基地產郭氏基金副主席身份，出席同港大合辦嘅「中國法律培訓計劃」捐贈簽署儀式，向港大捐款252萬港元，提供14個名額，資助內地政法專業人士嚟到香港大深造。
八方聽聞嚐盡天下美食嘅大K會定期去養和見營養師，雖然唔使食減肥餐，但營養師叮囑要戒糖同少吃煎炸食品，所以大K家連飲凍檸茶都改用代糖，仲話覺得同普通糖一樣咁好味，再加上跑步同做運動，大K纖體效果不俗，一年內勁減20磅。