何韻詩昨日出席《十人巷》，活動上她與森美及陳志雲互問尖銳問題。當森美問到阿詩是否同性戀時，她坦言承認，其後雖解釋只是一場遊戲，但認為同性戀沒有甚麼大不了。
何韻詩昨日在尖沙嘴出席商台舉行的《十人巷》宣傳活動，阿詩跟主持人陳志雲及森美互相問一些辣手問題，如有沒有擦老闆鞋、做老闆的愛人以及有否接受整容等。森美問到阿詩是否同性戀者時，阿詩直接答：「係呀，遊戲嚟之嘛。我都當你係女仔，但點解你驚過我，口都震晒。」由於阿詩的答案出乎意料之外，在場的fans都鴉雀無聲。
「冇確定答案」
阿詩在台上時又問陳志雲：「傳聞話你整過容喎。」他即笑言周身都整過，森美插嘴說：「你隆咗胸都咁平嘅？」最後陳志雲反過來問森美有否影過淫照？阿詩搶着自嘲說：「我影都冇人想睇啦。」
事後阿詩說：「我俾人問過好多次，有幾驚？係佢（森美）呆咗。Game嚟啫，我只係畀新鮮感大家，示範吓對住尖銳性問題，如果直接準確咁答，嗰啲人會啞咗。同唔同性戀唔係乜嘢大不了，家鍾意男仔，唔代表之後唔鍾意女仔，呢啲冇確定答案。」阿詩更謂對朋友和家人沒有防備，她說：「我都會諗生仔結婚。」
劉浩龍：支持佢
當年曾和阿詩傳緋聞的劉浩龍昨晚到九龍灣出席音樂會，被問到阿詩自認同性戀，他說：「我估佢係講笑。」若阿詩真的是同性戀，劉浩龍會否支持？他說：「作為朋友我點都支持佢。」
另外，談到無綫封殺o靚模，o靚模之一A.Lin曾反擊謂不用上無綫的《美女廚房》，陳志雲說：「冇話封殺，只係希望揀o靚模係成年、有啲技能嘅。」
採訪、攝影：王連連、馬建華