拍拖多年的黎明（Leon）和樂基兒（Gaile）依然如膠似漆，前晚Leon開騷，Gaile全程在台下打氣。雖然Leon台上拖新寵文詠珊（JaniceMan）又攬又唱，但他不忘女友，尾聲以新郎look大唱《JustTheWayYouAre》及《我這樣愛你》，憑歌寄意，盡在不言中。
黎明一連四場的「DreamWeddingLeonLive09」前晚在紅館開鑼，全場爆滿，雖然當晚有人虛報有炸彈，但表演未受影響，Leon前後合共換了五套西裝現身。除香港fans外，還有來自內地、韓國及台灣等地歌迷，不少圈中人也有捧場，當中最矚目是黎明嫂樂基兒，原定她要到美國，為了男友押後行程到場支持，睇足全場。
Janice又唱又跳
雖然女友在場，但Leon冇有怕重播幾位緋聞女友如張曼玉、王菲及韓星李娜英的片段，而他剛簽的文詠珊更首度亮相擔任嘉賓，可見Leon對她寵愛有加。JaniceMan身穿火紅色高衩旗袍加上羽扇頭飾，由其他女舞蹈員陪襯下現身，她咪嘴唱出由雷頌德為她所作的新歌《Man》，此歌專為今次Leon個唱而作，但始終初踏紅館心情難免緊張，故此雖然只唱幾句也要咪嘴。之後Leon出場唱《我愛Ichiban》，JaniceMan則在旁伴舞，Leon拖起她玉手輕挽纖腰，有Leon在旁照顧，故她表現淡定。
Leon在舞台兩邊和觀眾握手，但他因紅館安全理由不能落到台前面，他笑說：「我都想握，但紅館以安全為由唔准，呢個台有少少不足，下次我辛苦啲開四面。一係你哋同紅館講，不過肯至出奇，唔會睬你，正如飲咗酒唔好揸車條例咁，精神呀。」
Fans大嗌：結婚
尾聲時，Leon以一身新郎look示人，其他女舞蹈員則以婚紗造型伴舞，Leon唱出BillyJoel原唱的英文冧歌《JustTheWayYouAre》及《我這樣愛你》，憑歌寄意送給Gaile，雖然女友當時已返回後台，不過相信她聽到必定冧爆，唱完後Leon笑說：「大家諗清楚呢個係演唱會主題，只係個名咋。」台下fans大叫「Gaile」、「結婚」及送上花球，但Leon都當充耳不聞，而Gaile昨日已飛到美國工作。
採訪：王連連
攝影：陳俊強、陳順禎
小八卦：歌衫件件名牌
黎明前晚換上5套西裝出現，全部屬名牌出品，包括有DSquared2、JeanPaulGaultier及AlexanderMcQueen的最新款式，另外也有香港設計師AndyDaniel的設計，其中最貴的一套是開場的JohnGalliano的全黑西裝，總值10萬元，單是Leon的靚衫已經總值逾24萬元。另外麥當娜及碧咸鍾愛的品牌ChristianAudigier更為Leon今次個唱造T恤（圖），每件要千多元。
唱快歌唔跳舞
雖然開騷前Leon表明會跳舞，不過當晚所見他實則未有大跳勁舞，只是由一班年約20歲的o靚妹女舞蹈員陪同下輕跳幾步，但當fans一聽到快歌音樂已經嘩鬼叫，情緒high爆，而當晚Leon表現相當風騷，更在台上和女舞蹈員跳繩。
金句王冇理由
金句王Leon前晚見到前座部份觀眾，沒有拿螢光棒時突然說：「我係一個幾慘嘅人，見到人哋唔攞螢光棒，我會諗到三個理由。公司之前話有人贊助有燈嘅bongbong棒，但係我話要嚟做乜，要帶自己會帶，唔想要畀都唔會用。我唔係話人哋，我係話我自己，我唔想逼人用。」最終他沒有講出想到那三個理由。
黎明個唱曲目
100樣可能
火舞艷陽
ILoveUOk
一言為定
別舔傷口
沒名字的歌．無名字的你
愛是儍得起
愛情影畫戲
是我
大城小事
兩個人的煙火
及時擁抱
我愛Ichiban
愛你/不愛你
從今開始
明星
心亂如麻
日光甦醒時
你很愛我
不該再讓你孤單
只要為我愛一天
突然念舊
我會像你一樣儍
但願不只是朋友
兩心知
JustTheWayYouAre
我這樣愛你