今個夏天o靚模大戰已經到達白熱化階段，書展下星期三便正式開始，未開波已經有Kama半裸照和周秀娜疑露暈照見報，網上忽然又出現反o靚模大聯盟，想踢o靚模出書展，元祖級o靚模Angelababy惟有火速與o靚模畫清界線，自稱潮模，自信十足的她更認為少少性感已有力撼低o靚模。Baby還自爆在巴黎拍寫真最難忘的是看見法國情侶在街上忘形濕吻。 撰文：顏英儀
o靚模始祖Angelababy今年推出的第二本寫真集《MissAngelababy》於書展前一日（21日）搶閘推出，全本寫真集大部份於巴黎取景，sell星級班底，有出動張栢芝的御用化妝師Will及著名攝影師CK操刀，製作認真，今年的書展一共有14本寫真推出，九成九是波濤洶湧，惟獨是Baby的一本是走高檔fashion路線，最性感的是低胸泳衣照，以性感度來講，封胸的Baby一定不夠其他E、FcupBaby撼。
錫身的Baby卻另有一番見解說：「個個人都唔同賣點，今次嘅賣點係fashion，長大嘅我，除咗型之外亦有可愛嘅一面，我本書賣點係巴黎取景，性感得嚟係有型，唔係sell暴露，而且排版同用紙都係好認真，值得珍藏。」今次寫真集首版推出20,000本，上年的寫真集3日內售罄，今年印刷商更特別為了Baby的寫真推掉其他印刷的工作，隨時準備加印。
羨慕法國愛侶
今次巴黎之旅Baby到了巴黎鐵塔和不少名勝取景，最令Baby眼界大開的是當地的情侶，她流露出羨慕的眼神說：「巴黎嘅人好浪漫，行街嘅時候見到好多情侶kisskiss，仲要係濕吻都係平常事，嘩！可以咁大膽我真係好羨慕呀！佢哋好勇於表達自己嘅感受，加埋周圍background就好似睇緊電影咁。」Baby近日被傳整容，問她會否擔心寫真集銷量？她說：「其實我反而想個嘴厚小小，希望佢哋停止呢方面嘅言論，都會保留追究嘅權利。」
除了寫真集之外Baby更計劃出日本shoppingguide及自傳，仲想出陽光與海灘嘅寫真集，希望明年推出，Baby的fans要等多一年。
自幼想開銀行
幸運之神似乎十分眷顧Baby，15歲出道至今已搵到第一桶金，Baby說：「我都算好lucky，屋企一路冇畀壓力我，問父母攞錢買衫都毫無怨言，其實我心境已好成熟，家我賺到錢希望報答屋企人，想買屋畀佢哋，我畀首期，想趁家後生做晒到30歲再學嘢，學吓fashiondesign、瑜伽、跳舞，其實我細個時候想開銀行，因為覺得銀行係最有錢嘅。」
話你知：女神之網
18,775,641是甚麼數字？這是 http://www.angelababy.xanga.com的點擊率，逾千八萬點擊率可見Baby的人氣高企，今年簽了Avex為日本的經理人，Baby在港工作的時間買少見少，現正中日兩邊走的Baby有否擔心流失本地fans？
贈日迷珍藏
Baby說：「唔怕，香港都keep住有工作，次次做嘢都有好多人支持，反而我覺得多咗fans，而今次本寫真集亦會送畀日本參加我fanclub嘅fans。」
採訪後記：大忙人牛腩夢難圓
訪問當日Angelababy為了寫真集的後期製作，連續3日冇覺好瞓，於尖沙嘴出席活動後，又連環做了兩個專訪，口渴了只是飲了一杯茶，有時又搞吓gag自娛，fans在門外苦等了兩個小時，Baby亦好識做同fans影合照了。
搭車啃麪包
之後又要轉地點到中環影相，Baby在車上只吃了個麪包醫肚，雖然有點倦，但她一面對鏡頭，又十分精靈似叉足電，穿上短裙在戶外拍照時又被蚊狂叮，不過她都毫無怨言，繼續忍受到最後，表現得十分專業，拍完之後記者提議一起去附近的九記牛腩醫肚，Baby即刻叫好，可惜原來她接着還有一個訪問要做，吃牛腩的夢落空了，20歲的少女似有用不完的energy。
攝影：MatthewLam
服裝：KateSpade
場地：BasementRestaurant（中環歌賦街）
