梁朝偉早前為電影《一代宗師》練功時跟師傅過招，師傅以飛毛腿迎擊偉仔揮拳時用力過猛，導致偉仔左手前臂骨斷裂，要休養4至6星期。昨日偉仔負傷為雜誌拍封面照，他透露現在甚麼都不能做，要等待斷骨慢慢癒合，估計一星期後可練習下盤基本動作。
梁朝偉近期密密為王家衛執導電影《一代宗師》練功夫，並分別跟5位師傅練習不同招式，早前他如常跟師傅過招時，偉仔揮拳打向其中一名師傅，嚇得師傅自然反應出飛毛腿抵擋，當下偉仔左臂「啪」一聲，即時感到痛楚，左手前臂不能動彈，工作人員立即送他入院，照過X光後證實左手前臂骨折，醫生建議偉仔打石膏，但因打石膏須休息5至6星期，他斷然拒絕。
「冇食止痛藥」
昨日偉仔左手包着紗布，由兩名助手陪同下出現柴灣一影樓，為雜誌拍封面，偉仔看來精神不錯，他說：「呢個封面本來前幾日要影，攝影師係專程飛嚟香港嘅，所以我受傷都要開工，影嗰時佢哋識就一就㗎啦。」問偉仔左手傷勢如何？他說：「OK啦，左手唔郁得囉，醫生話要等啲骨生番埋，嘉玲都冇乜擔心，練功正常動作梗會有受傷。」
問偉仔如何止痛？他說：「因為左手前臂骨斷咗一條，暫時唔郁得，都冇食止痛藥，因為醫生話食咗都係痛，家日頭齋坐休息，夜晚就服中藥。」對於受傷影響電影拍攝進度，他說：「都唔到我擔心同控制，又唔係我想斷嘅。」
練下盤基本功
偉仔表示暫時不用覆診，他說：「醫生話點都要等啲骨生番埋再照X光，然後先睇吓點，家冇得再練功住㗎啦，應該唞多一星期後可以慢慢練番啲下盤基本功，好似跑步咁啦。」
採訪、攝影：葉雪