毒男導師、電車男偶像社民連好受後生仔歡迎，插畫師Cuson幫毓民、長毛同陳偉業畫嘅個人肖像，成為社民連fans膜拜icon。既然大家咁鍾意三人肖像，一於發大嚟搞，嚟一次crossover，社民連、Cuson同原型師Scott合力炮製咗一套三款figure，將畫像由平面變成立體，相信係香港首次有政治人物出figure。
社民連三子figure近日有辦睇，網上曝光後大受好評，網民都大讚雕功精細，甚有三子面貌神韻。呢套figure限量生產，價格容後公佈，睇網民反應，相信已經定單滿瀉。負責雕像嘅Scott在本地figure界薄有名氣，自稱「香港土炮公仔佬」，曾全職雕公仔，家陣係業餘玩票性質，冇壓力，純為興趣，但求過癮，據講佢計劃推出另一款Q版公仔，可惜暫時未有辦睇。