【09書展星戰場】香港書展下周三（22日）揭幕，近年書展成為藝人重地，除了賣身材，也賣自己的文字才華，吸引不同的書蟲聚集。看完o靚模的噴血寫真集，惡鬥性感，大家不妨再選擇其他具文化氣息的作品，古Sir古巨基搞爛gag，甚至江若琳化身小公主陪讀者四出遊歷，相信都對書迷的大腦起紓緩作用。採訪：比華利、李珮洳
吳日言做沖繩達人
吳日言（Yan）為書展推出的《StarTrekker沖繩》，早前去了沖繩兩星期拍照兼搜集資料，希望成為新一代旅遊達人。她說：「香港旅遊書好少介紹沖繩，我上次去完一次覺得呢個地方好特別，同東京真係好大分別，可以體驗到日本人嘅生活。於是我就同一個記者朋友一齊搵資料，資料性嘅文字就由佢寫，去旅行嘅經歷就由我執筆。」阿Yan還充當整個旅程的柴可夫司機。完成第一本旅遊書，阿Yan希望再去不同的地方作介紹，她已經計劃好明年到英國。
古巨基IQ題考細路
古巨基早前替無綫主持節目《係咪小兒科》後，發覺小朋友愛搞爛gag，所以基仔數月前即籌備推出《古SirIQ王》，以IQ題考考小朋友的智慧，基仔自言是這本書的監製，有份度IQ題。他日前說：「我哋除咗四出向朋友收集，我有時都會坐低係咁諗，試過諗成日都冇靈感，有時好快就諗到。」基仔希望這本書可以令大人細路齊動腦筋，他說：「特別係家長，可以多個同子女溝通嘅方法，互相考IQ，順便親子樂。」
江若琳公主愛遨遊
江若琳籌備數月的新作《小公主浪跡天涯》下周書展面世，屆時身在泰國趕拍新片《童眼》的她將回港造勢，新書中輯錄了她不少從未曝光的旅遊照。江若琳自封小公主，與讀者分享過往的足迹，她日前說：「籌備呢本書嘅時候，我喺內地拍劇，每晚收工就返房係咁寫，書裏面有好多自己嘅感受。」江若琳更於書中自爆一段鮮為人知的戀情，問到可會送贈書給舊愛？她說：「我諗佢會買一本支持我嘅。」
王貽興居家兩面睇
王貽興在下周的書展共出15本新書，大創紀錄，但會重點推介《我．一個人住》和《我．倆個人住》兩本書，當中會大談他獨居和同居的生活。王貽興日前說：「獨居有時會好寂寞，試過一個人對住公仔麪食唔落。但同居生活，雙方又要適應唔同嘅生活習慣。」到底現在王貽興是獨居還是同居？他說：「我家兩個人住，但係同阿媽，細佬搬咗出去，我就搬返去陪媽咪，同佢住好舒服，因為有唔少貼心嘅照顧同湯水。」
周麗淇幸福方程式
周麗淇（Niki）今年推出一本《幸福》遊記，書中記錄了她早前隨無綫到日本東北拍攝特輯《日本東北收集幸福之旅──櫻紅醉了》時，走遍8大縣的趣事。
Niki心目中幸福是怎樣？她日前說：「幸福其實係一種心靈感覺，喺某一刻，心裏俾某件事或某句話觸動而感到絲絲甜美嘅滿足感，嗰啲咪幸福，我嘅幸福方程式係知足加感受。」整整一個月的東北之旅，Niki最享受溫泉樂，她說：「我去嘅時候天氣仲凍，所以浸完溫泉好舒服。」
