黎明一連四場演唱會昨晚於紅館揭幕，身為天王嫂的樂基兒（Gaile）打扮靚靚支持男友。歌迷愛屋及烏大讚Gaile靚女，深得男友fans愛戴。黎明出場時，幾位身穿白色短裙的女舞蹈員伴舞，更齊以美臀對着觀眾，非常香艷。
黎明昨晚於紅館舉行「DreamWeddingLeonLive09」演唱會，胡楓、趙世曾與女伴、薛家燕、清洪及盧敏儀齊來捧場。
天王嫂樂基兒於晚上7時乘坐黑色七人車抵達紅館，下車時，黎明的fans即大叫：「真人好靚女呀。」逗得Gaile笑逐顏開。她於開騷前才由後台步出台前，雖然現場的燈光已轉暗，在場fans仍發現其蹤影，並與記者一齊擁上前拍照，引來一陣小混亂。
現場播放黎明在森林漫步的片段，接着他出場唱出《100樣可能》揭開序幕，幾位身穿白色短裙的女舞蹈員伴舞，更齊齊以美臀對着觀眾，黎明則坐在梯級上獻唱。
大講無厘頭笑話
之後黎明獻唱《火舞艷陽》以及《ILoveYouOK》，fans邊唱邊揮動螢光棒及尖叫，氣氛熱烈。黎明穿上了一套黑色西裝，膊頭位更有一朵黑花作點綴，他於跳舞時不時整理黑花。及後他演繹《一言為定》時，現場螢幕播放了鑽石圖案，配合個唱夢幻婚禮的主題。
黎明在台上大講無厘頭笑話，他說：「我以前唔信新科技，幾年前倒模做咗個新耳機，我個名叫Leon，左耳有『Le』兩個字，右耳有『on』兩個字，確定唔會放錯，家入面把聲肥咗好多，我都習慣緊。」
另外，黎明於傍晚6時許出席拜神儀式，據知早於下午4時左右，50位來自世界各地的歌迷已聚集紅館後台守候，當他們見到偶像時即大叫：「我好掛住你，你瘦晒呀。」
採訪：王連連
攝影：陳順禎、陳俊強
