演出業協會主席陳淑芬同張耀榮噚日喺灣仔福臨門搞咗個臨時記招，宣佈8月15、16號喺機場博覽館舉行嘅「香港夏日流行音樂節」詳情，到時將有數以十計嘅中港台歌手出席。由於之前音樂節構思係現場只得企位，但最後經過大會商討之後，終於決定原先已經買飛嘅觀眾，可以喺音樂節當日下午1點鐘預先去揀番個座位，以免活動期間引起混亂。