金融海嘯不僅令無數具豐富投資經驗嘅投資者損手，連歷史悠久嘅哈佛大學亦因捐獻減少三成而陷入財荒，為咗解決水源不足嘅問題，哈佛決定大開「方便之門」，廣招學生，令今年入讀MBA嘅學生人數增加到942個，比舊年多成42個。
哈佛MBA課程每年嘅學費要成7萬3美金，大約57萬港紙，若果942個學生喺9月全數入學，即係話哈佛每年可以從呢批學生身上，吸取5.3億港紙，計落真係好和味。
事實上，今年申請入讀MBA嘅人數比舊年多5%，於是哈佛就順水推舟增加學額。有人擔心會影響教學質素，但哈佛MBA招生處發言人就反駁話，收多幾個學生絕對無問題，而且喺呢個艱難時刻，呢個係最可行嘅辦法。