鍾舒漫噚日以師姐身份，同佢公司新歌手鄭家維去商台做訪問，佢哋會合唱《專一有罪》。由於鄭家維把聲較高音似女仔，唱起歌似鄭秀文，會負責唱高音部份，鍾舒漫話：「公司安排佢唱高音，我把聲較粗豪，就唱低音位。但最頭痛係拍MV，佢個樣又好細個，所以MV入面唔可以做情侶。今晚同佢一齊上台表演，拖住佢好似拖住個小朋友。」