「KingofPop」米高積遜嘅舞技舉世無雙，佢越跳得勁，世人就越鍾意佢，之但係有啲舞唔可以亂跳，近日幾個NBA球星就跳「草裙舞」跳出事，先有西班牙後衞盧比奧俾木狼選中後一直唔肯報到，搞到呢位「金童」聲譽掃地，連歐洲球會都唔想簽佢，驚佢「變心」。同盧比奧一樣「扭扭擰擰」嘅仲有保沙同奧當（圖），前者開頭「貪錢」話一定會離開爵士，結果冇人吼下又話想留隊，點知周二爵士話新一季冇預佢。至於奧當就話要5年千萬年薪合約，又嫌湖人嘅3年共2,700萬美元（2.1億港元）合約出手低；班主畢斯周二就話奧當貪得無厭，唔會再同佢傾約。大家不妨睇吓，呢班「草裙舞者」下場如何。