奧巴馬獨愛「細威」（小圖）對腳？美國總統奧巴馬形象健康、親民，細路仔見到佢都想咀多幾啖，點會係一個「戀足癖」嘅人呢？我求大俠細心求證下，原來奧巴馬係出於一片好心，關懷周二到白宮見佢嘅11奪大滿貫錦標嘅網球好手「細威」莎蓮娜嘅身體健康，皆因「細威」愛靚唔愛命，唔怕扭親，竟然着咗對5吋高嘅高踭鞋。
奧巴馬身為一國之首，當然好着緊呢位力量美國「國寶」受傷啦，讚「細威」對鞋靚之餘，亦問佢唔怕整親咩？奧巴馬好似家人咁關心佢，搞到「細威」心都甜晒，大呼「我愛奧巴馬！」仲不斷稱讚奧巴馬嘅太太親切，同埋女兒活潑可愛㖭！
奧巴馬見完網球名將「細威」之後，愛好體育嘅佢亦即刻起程去咗MLB（美職棒）嘅明星賽主持開球禮（圖），仲着咗愛隊芝加哥白襪隊嘅jacket登場，真係型到爆！而細個已經玩棒球嘅奧巴馬，左手投球時亦充滿氣勢，實在英姿凜凜，咁識得與眾同樂，難怪佢咁受群眾歡迎啦！而MLB明星賽最終由美國聯盟以4:3擊敗國家聯盟勝出。