上個禮拜六雖然打風，但滙豐主席鄭海泉（後排左六）一早帶埋鄭太鄭曹志安（後排左五）返總行，唔係返工，而係為一班做義工嘅同事打氣，唔少高層及同事帶埋家人參加「711全港賣旗日」，滙豐仲出埋地方，將28間分行安排做旗袋收集站兼處理賣旗善款。當日鄭大班帶埋鄭太先探中環賣旗嘅同事，再到灣仔為其他義工打氣，一班同事當然士氣大增，有人仲把握機會向鄭大班同鄭太講：「唔該買支旗吖！」