紐約紅牛近11場不勝，在周四的美職聯對手洛杉磯銀河又有中場主力碧咸歸隊，橫睇豎睇紅牛都難以看好；不過，足智彩竟開出「讓球主客和」紅牛[-1]，似乎引人買「客勝」，一於逆思考取有2.3倍的紅牛單W。
東岸包尾球隊紅牛近況奇差，近11場不勝之餘，陣中亦不乏傷兵；除了後衞卡路士莊遜肯定缺陣，前鋒安祖及禾尼歷亦因傷上陣成疑，今迎銀河似乎沒有贏波籌碼。
銀河有碧咸未必好
不過，紅牛今役有中場丹李察士及後衞艾費度柏查高，分別因牙買加及薩爾瓦多於金盃出局而可以歸隊，加上紅牛剛簽得海法馬卡比後衞古尼克，人腳調動上充裕了不少。再者，紅牛近6次迎銀河贏5次，而球隊仍有實力球員如前鋒簡迪積及中場佐治洛查士等候命，今役有力一戰。
銀河雖有英格蘭中場碧咸歸隊，但狀態成疑，今役會否正選屬未知數。由於萬人迷之前與當路雲不和，雖然兩人已冰釋前嫌，但碧咸歸來難免影響球隊氣氛，未必是好事；加上球隊作客表現不及主場，不宜高估。文：吾中
星期四10
紐約紅牛vs洛杉磯銀河 2：1
半全場：和/主
盤口：紐約紅牛[-1]
讓球主客和：D和局