10位無綫應屆準港姐昨日到銅鑼灣溥儀眼鏡出席「時尚目光獎」選舉，眾佳麗即場揀選代表自己的眼鏡，並要行catwalk示範，經過無綫高層樂易玲及設計師鄧達智等幾位評分下，最後由8號熊穎詩勝出，並贏得5萬元的獎金獎品。
3號鄭寶源險仆
由於眾佳麗要穿上約4、5吋的高踭鞋行catwalk，3號鄭寶源行騷時險些仆倒，她早前拍外景時已兩度差點仆倒，但昨日她死撐說：「唔係，我落樓梯時係想斜斜哋落，所以大家就以為我跣親，平時我好少着高踭鞋，下次會小心啲。」
熊穎詩對於眾佳麗不時被彈貌醜，遭嘲笑「豬扒」及「雜扒」，曾被謔為「孖膶腸」的她就說：「家包裝都好好，個個女仔都有唔同咗，自己盡量唔會再諗啲花名，諗嘢會全面啲。」對於被指貌似台灣名模白歆惠和舒淇時，她就表示兩人都是靚女，所以她會開心。
採訪、攝影：楊潔雯